Puer natus in Bethlehem, alleluia.
Unde gaudet Jerusalem,
alleluia, alleluia.

Refrain:
In cordis jubilo,
Christum natum adoremus
Cum novo cantico.

Assumpsit carnem Filius, alleluia.
Dei Patris altissimus,
alleluia, alleluia. In cordis jubilo…

Per Gabrielem nuntium, alleluia.
Virgo concepit Filium,
alleluia, alleluia. In cordis jubilo…

Tamquam sponsus de thalamo, alleluia.
Processit Matris utero,
alleluia, alleluia. In cordis jubilo…

Hic iacet in praesepio, alleluia.
Qui regnat sine termino,
alleluia, alleluia. In cordis jubilo…

Cognovit bos et asinus, alleluia.
Quod puer erat Dominus.
alleluia, alleluia. In cordis jubilo…

Et Angelus pastoribus, alleluia.
Revelat quod sit Dominus,
alleluia, alleluia. In cordis jubilo…

Reges de Saba Veniunt, alleluia.
Aurum thus myrrham offerunt,
alleluia, alleluia. In cordis jubilo…

Intrantes domum invicem, alleluia.
Novum salutant Principem,
alleluia, alleluia. In cordis jubilo…

De Matre natus Virgine, alleluia.
Sine virili semine,
alleluia, alleluia. In cordis jubilo…

Sine serpentis vulnere, alleluia.
De nostro venit sanguine,
alleluia, alleluia. In cordis jubilo…

In carne nobis similis, alleluia.
Peccato sed dissimilis,
alleluia, alleluia. In cordis jubilo…

Ut redderet nos homines, alleluia.
Deo et sibi similes,
alleluia, alleluia. In cordis jubilo…

In hoc natali gaudio, alleluia.
Benedicamus Domino,
alleluia. In cordis jubilo…

Laudetur sancta Trinitas, alleluia.
Deo dicamus gratias,
alleluia, alleluia. In cordis jubilo…